ქობულეთის მუნიციპალიტეტში „მოწყვლადი კატეგორიის ოჯახებისათვის მინიმალური საცხოვრებელი პირობების შექმნის“ ქვეპროგრამა ამოქმედდა.

ქობულეთის მუნიციპალიტეტში „მოწყვლადი კატეგორიის ოჯახებისათვის მინიმალური საცხოვრებელი პირობების შექმნის“ ქვეპროგრამა ამოქმედდა.

ქვეპროგრამა ითვალისწინებს მცირე ფართიანი ინდივიდუალური სახლების მშენებლობას შემდეგი კატეგორიისთვის – მოწყვლადი ოჯახებისათვის, რომელთაც საცხოვრებელი სახლი, შესაბამისი უფლებამოსილი ორგანოს/პირის მიერ გაცემული დასკვნის თანახმად არ ექვემდებარება აღდგენა-რეაბილიტაციას და მასში ცხოვრება სიცოცხლისა და ჯანმრთელობისთვის საფრთხის შემცველია.

განაცხადებების მიღება 7 მარტიდან 6 აპრილის ჩათვლით იწარმოებს.

ქვეპროგრამაში ჩართვისთვის მოქალაქეებმა უნდა წარმოადგინონ:

1. ინდივიდუალური, მცირეფართიანი საცხოვრებელი სახლის მშენებლობის თაობაზე განაცხადი;

2. ამონაწერი სოციალურად დაუცველი ოჯახების მონაცემთა ერთიანი ბაზიდან, სარეიტინგო ქულა 0-დან 120 000-ის ჩათვლით.

3. ცნობა ოჯახის შემადგენლობის შესახებ;

4. განმცხადებლის და მისი ოჯახის წევრების პირადობის მოწმობის ასლი დედანთან ერთად, არასრულწლოვანი წევრების შემთხვევაში დაბადების მოწმობის ასლები;

5. შესაბამისი სტატუსის დამადასტურებელი დოკუმენტის ასლი (ამონაწერი სოციალურად დაუცველი ოჯახების მონაცემთა ერთიანი ბაზიდან, შშმპ, მარჩენალდაკარგული, მრავალშვილიანი და სხვა);

6. ამონაწერი საჯარო რეესტრიდან მიწის საკუთრებაზე და სხვა

7. გეოლოგური დასკვნა;

8. ადმინისტრაციულ ერთეულში მერის წარმომადგენლის წერილი.