30 ოქტომბერს ქობულეთის მუნიციპალიტეტში მეექვსე მოწვევის საკრებულოს პირველი სხდომა გაიმართება.
კანონმდებლობის შესაბამისად, ახალარჩეული საკრებულოს პირველ სხდომას ქობულეთის 81-ე ოლქის საარჩევნო კომისიის თავმჯდომარე გელა ხახნელიძე გახსნის. სხდომას, საკრებულოს ახალი თავმჯდომარის არჩევამდე, მუნიციპალიტეტის საკრებულოს უხუცესი წევრი თამაზ ხახუტაიშვილი გაუძღვება. პირველ სხდომაზე აირჩევენ მუნიციპალიტეტის საკრებულოს ახალ თავმჯდომარეს, თავმჯდომარის მოადგილეებსა და მუდმივმოქმედი კომისიების თავმჯდომარეებს, ასევე, დარეგისტრირდება საკრებულოს ფრაქცია და დამტკიცდება საკრებულოს კომისიებში პროპორციული წარმომადგენლობის კვოტები. ასევე ცნობილი გახდება საკრებულოს კომისიების პერსონალური შემადგენლობა. 30 ოქტომბრიდან, ახალი მოწვევის საკრებულოს უფლებამოსილების ცნობისთანავე, ძველ მოწვევას უფლებამოსილება უწყდება.
საქართველოს საარჩევნო კოდექსში 2024 წლის 13 დეკემბერს შესული ცვლილების საფუძველზე, ქობულეთის მუნციპალიტეტის საკრებულოს წევრთა რაოდენობა ორით შემცირდა და ნაცვლად ოცდაცხრამეტისა, გახდა ოცდაჩვიდმეტი. შესაბამისად, 2025 წლის 4 ოქტომბერს გამართულ ადგილობრივი თვითმმართველობის არჩევნებზე საკრებულოს წევრის მანდატი 37–მა კანდიდატმა მიიღო.
4 ოქტომბრის თვითმმართველობის არჩევნებზე ქობულეთში პროპორციული სიით საკრებულოში 15 წევრი შევიდა. მათ შორის: პოლიტიკური გაერთიანება „ქართული ოცნება – დემოკრატიული საქართველოდან“ პროპორციული სიით საკრებულოს წევრები გახდნენ: ნატო შამილიშვილი, თეა მოწყობილი, დავით პაპუნაიშვილი, ვახტანგ ჭაღალიძე, ზურაბი კაკალაძე, ირინა დავითაძე, მამია ჟორდანია, გვანცა ჩანტლაძე, ლია შაქარიშვილი, მირზა მახარაძე, ემზარ სურმანიძე, ედნარ თურმანიძე, გელა შაქარიშვილი, ზაზა თხილაიშვილი.
22 მაჟორიტარული ოლქიდან 22 მანდატი „ქართული ოცნება – დემოკრატიული საქართველოს“ კანდიდატებმა – დავით წულუკიძე, იოსებ ჟღენტი, ავთანდილ გოგიბერიძე, ვლადიმირ გორგილაძე, ალექსანდრე ხიდაშელი, ლაშა ხახუტაიშვილი, თამაზ ხახუტაიშვილი, ირაკლი ქათამაძე, თამაზ გოგმაჩაძე, ასლან მადოიშვილი, რამაზ ქათამაძე, გიგლა მესხიძე,დავით მჭედლიშვილი, თედო ტაკიძე, ოლეგ ბოლქვაძე, გიორგი ქარცივაძე, ზურაბ ხინიკაძე, გურამ აბაშიძე, რამინ ხინიკაძე, თემურ მოწყობილი, გიზო ხალვაში, გიორგი თხილაიშვილი მიიღეს; ცენტრლური საარჩევნო კომისიის მონაცემებით, 4 ოქტომბრის არჩევნებში, პოლიტიკური გაერთიანება ,,ქართული ოცნება – დემოკრატიული საქართველოს“ გარდა, ბარიერი ერთმა პოლიტიკურმა სუბიექტმა გადალახა: „ძლიერი საქართველო – ლელო“ – ზურაბ სეფერთელაძე. 4 ოქტომბერს ქობულეთის მოსახლეობამ მუნიციპალიტეტის მერად „ქართული ოცნება – დემოკრატიული საქართველოს“ მერობის კანდიდატი ირაკლი ცეცხლაძე აირჩია. ირაკლი ცეცხლაძემ ადგილობრივი თვითმმართველობის არჩევნებში ამომრჩეველთა ხმების 92.3 პროცენტი მიიღო.