31 მაისს, 12 საათზე, გაიმართა ქობულეთის მუნიციპალიტეტის საკრებულოს რიგგარეშე სხდომა რომელსაც დავით მჭედლიშვილი უძღვებოდა.სხდომაზე განიხილეს სოფლის მხარდაჭერის პროგრამის ფარგლებში ქობულეთის მუნიციპალიტეტის დასახლებების მიხედვით შესაბამისი პროექტების დამტკიცება, რომელიც ქობულეთის მუნიციპალიტეტის მერის პირველმა მოადგილემ დავით ვერულიძემ წარადგინა. საკრებულოს სხდომაზე წარმომადგენლობითი ორგანოს წევრებმა ქობულეთის საკრებულოს ჯამრთელობის დაცვისა და სოციალურ საკითხთა კომისიის თავმჯდომარედ თეა მოწყობილი აირჩიეს.
