ქობულეთის მუნიციპალიტეტის საკრებულოს განათლების, მეცნიერების, კულტურის, სპორტისა და ტურიზმის საკითხთა კომისიის თავმჯდომარე ლია შაქარიშვილმა, გენდერული თანასწორობის მუდმივმოქმედი საპარლამენტო საბჭოს თავმჯდომარე ნინო წილოსანის მიწვევით, ადგილობრივი თვითმმართველობის საკრებულოების წარმომადგენელი ქალების სადისკუსიო პანელის ფარგლებში მიიღო მონაწილეობა.
დისკუსიის მონაწილეებმა ნინო წილოსანთან ერთად მიმოიხილეს ადგილობრივ თვითმმართველობაში ქალთა მონაწილეობის მნიშვნელობა და მათი საჭიროებები, ერთმანეთს გაუზიარეს მომავალი პოლიტიკური გეგმები.აღნიშნული შეხვედრისთვის გენდერული თანასწორობის მუდმივმოქმედ საპარლამენტო საბჭოს ორგანიზაციული და ტექნიკური მხარდაჭერა გაეროს განვითარების პროგრამამ გაუწია (UNDP Georgia)
