ქობულეთის მუნიციპალიტეტის საკრებულოში მოქალაქეთა მიერ ელექტრონული პეტიციის ფორმით შემოტანილი იქნა პეტიცია „დაგვას კულტურის სახლის რესტავრაციის შესახებ“
მოქალაქეებს შესაძლებლობა ჰქონდათ სპეციალური აპლიკაციის საშუალებით http://petition.lsg.ge/kobuleti/ ელექტრონულად მოეწერათ ხელი წარმოდგენილი პეტიციისათვის. პეტიციაზე ხელმომწერთა რაოდენობამ შეადგინა 701 მოქალაქე. ქობულეთის მუნიციპალიტეტის საკრებულოს რეგლამენტის 131 მუხლის „ვ“ ქვეპუნქტის შესაბამისად საკრებულოს აპარტის მიერ შემთხვევითი შერჩევის საფუძველზე გადამოწმდა წარმოდგენილი სიის 20%-ის ნამდვილობა.
საქართველოს ორგანული კანონი ადგილობრივი თვითმმართველობის კოდექსისა და ქობულეთის მუნიციპალიტეტის საკრებულოს რეგლამენტის 132-ე მუხლის შესაბამისად ვაქვეყნებთ წარმოდგენილ პეტიციას.